شەکرە دەبێتە هۆی هەڵئاوسانی سەنتەری بینین لە تۆڕەی چاودا (ماکولا) و دروستبوونی موولولەی خوێنی ناسک و ناسروشتی، کە ئەمەش کاریگەری ڕاستەوخۆی لەسەر تێکچوونی بینین هەیە. لەبەر ئەم هۆکارە، زۆر گرنگە کە تووشبووانی نەخۆشی شەکرە لانی کەم شەش مانگ جارێک پشکنینی وردی چاو ئەنجام بدەن. بە خۆشبەختییەوە، دەکرێت بە وەرگرتنی دەرمانی پێشوەختە و چارەسەری گونجاو ڕێگری لە تێکچوونی زیاتری بینین بکرێت.
